舊輕井澤商店街! 宮崎駿橡子共和國精品店! 限定龍貓扭蛋商品

去到日本輕井澤，唔少得喺舊輕井澤銀座通行街，估唔到呢度都有嘅吉卜力工作室嘅橡子共和國商店，真係好開心又surprised！如果係宮崎駿動畫嘅愛好者一定超興奮! 呢間Donguri Republic商店，喺一間白色小屋仔入面，店外已經超級特別又好靚，有一隻好大，成個人咁高嘅木板製龍貓卡通喺店舖出邊，好似一隻大招財貓咁，好吸睛，忍唔住喺門口係咁打卡！😍📸 呢間橡子共和國商店嘅裝修同其他分店設計差不多，店內有好多吉卜力工作室動畫，好似魔女宅急便, 天空之城, 哈爾移動城堡, 千與千尋等嘅產品同紀念品，包括精品擺設、玩具、文具等等。牆上都掛咗呢啲動畫嘅海報同插畫，好有氣氛。其中最特別係見到呢到有好大嘅貓巴士巨型雕塑擺設，真係好可愛，令人忍唔住係咁同佢影相📸 我就買咗一啲明信片送俾朋友，而最特別係見到近門口位置，擺放咗一座特別限定嘅龍貓扭蛋機。最正嘅係扭蛋唔係用一個膠嘅圓波去裝住個扭蛋，而係龍貓個身體本身已經係扭蛋殼，入邊會裝住唔同嘅裝飾，之後會砌出唔同形態嘅龍貓。真係超得意，忍唔住即刻抽返一個，之後仲同店外木製嘅龍貓影相，真係好正！ 相信吉卜力工作室動畫愛好者黎到呢度一定會好開心！同滿載而歸😍！ 吉卜力工作室橡子共和國商店 Studio Ghibli Gift Shop 📍長野県北佐久郡軽井沢町軽井沢 606-4-5 セルフィユ軽井沢銀座店 營業時間： 星期一 至 星期日， 10:00am - 6:00pm 🎌推介程度：❤️❤️❤️❤️❤️ 最後一張圖片來源：Studio Ghibli #輕井澤#宮崎駿#動畫#吉卜力工作室#橡子共和國#商店#必去#StudioGhibli#GiftShop#舊輕井澤銀座通#龍貓#東京近郊#人氣景點#旅遊#推介#必到#日本#日式#日本之旅#japan#自由行#必去#好去處#熱門菜式#打卡#攻略#chill#週末#旅行打卡#旅遊行程